شعر الوان لاله لر
تقدیم به شهیدان وطن
اکرم گللری هر کوی گلستانه گلوم
یازارام سوزلری بو دفتر دیوانه گلوم
بووطن لاله لری سولمیوب سولمیا جاق
سولماقی من دیمرم لاله الوانه گلوم
او گلومسن گوزلیم سنده طراوت گورونور
گل جوانه وره جک گلشن ایمانه گلوم
ایران ایران سرودون سالسان اوگون یاده دوشر
نقدر قان توکولوب چوخلی خیابانه گلوم
بووطن لاله لری ریشه سی قا نلان سولا نوب
قویماروخ صدمه یته دشت گلستانه گلوم
قلم عاجزدی یازا دلده اولان قدرتیزی
ورمیشیز سیز شرفی کشور ایرانه گلوم
انقلابین ثمری سیزلره اولموشدی عیان
آقالار کاخ سالوب گتدی لواسانه گلوم
شهدا قانینی چوخلار اوزونه فرصت ایدوب
تا که اوننان یتشه ثروت شاهانه گلوم
شهدا قانینه هرکس اوزونه فرصت ایده
اینا نین ظلم الیوب کل شهیدانه گلوم
شاعرین سوزلری بر عدیه خوش گلمیجک
یازگینان سوزلری سن محضر جانانه گلوم
خلیل مرادی
