اورک دولوبدی گنه آغلاماق بهانه سی وار
گولونده بولبولینن سوملی ترانه سی وار
طبیعته باخیرام خاطرات یاده دوشور
بوچوللرین مارالی، یان تلینده شانه سی وار
نقدر خوش یارادوب، خالقیم بودشت ودمن
که هرگولون، چیچگین، غنچه سینده دانه سی وار
گوزوم گورونجه باخیر سو آخیر بو چولّردن
یولون تاپیپ گدیری، چوخ گوزل کرانه سی وار
طبیعتین آدینی، سیزده قویوبدو ائلریمیز
هامی چیخا چوله چون، گزمگه بهانه سی وار
بیرعده چولده تاپامّیر که اوردا ساکن اولا
بیر عده قصب الیوب، باغلاریندا خانه سی وار
بوگونده باشه گیچر،گون باتار، یاغیش قوتارار
هامی گیدر اوینه، هرگونون شبا نه سی وار
خلیل اورک آخیری گوزلرین یولا باخیری
گوزل آقام گله جک، صاحب الزمانه سی وار
روز ۱۳بدر1404
دشت تهم زنجان
