اسماعیل پیغمبری کلات – مصیبت بزرگ

زمین و آسمان گریان همه بهرحسین است

***************************

حسینه، یرلر آغلار، گویلر آغلار

فَلَک،اِنس و مَلَک گوْر، یکسر آغلار

حسینه یرلر آغلار” دلریش “یندی

هامی، دلریش اولوب، دیدَه، تَر آغلار

حسینون، آدی، جان دی، “شهریارا”

ایدوب هر کیم، بو آدی، اَزبَر، آغلار

دوشوب آتدان یِرَه، اوخلار دَیَنده

قَناد چالدی او، قوش تک، شهپر آغلار

حسینون پیکری باشسیز قالاندا

باخُب خورشید و ماه و اختر آغلار

سوسوز اولدوردیلار، سبطِ نَبی نی

ایله بیلَّم که حَیِّ داور، آغلار

او قانلی جسمینه، آتلار چاپیلدی

قلم وصفین یازاندا، جوهَر آغلار

دوشوب سَسْ عالمِ مَعناده، ای وای

اَلي بِلدَه قالوبْ، بیر مادر آغلار

نِجَه سیراب ایدوبدور، او حسینی

که ساقینون اَلینده، ساغر آغلار

ایدوب غارت،خیامه اوت وُروبلار

قاچان اطفاله، گوردوم، اَخگر آغلار

مصیبت چوخدی ای پیغمبری، یاز

کَسلمیش خنجره باشْ، حَنجَر آغلار